Ал өмүр бою мамлекеттик кызматта иштеп, олигархка айланганын кайда жашырабыз? Кайыңды кабель заводун Алиярбек Абжалиев мурунку жубайы Гүлсара Сулайманова аркылуу ээлеп алышканын «Политклиника» сайты иликтеп чыкты. Мындан сырткары, жер аянттары, имарат, үй мүлктөрү боюнча да ЖМКларга чыгып келет. Учурда УКМКнын СИЗОсуна кол тийгис «ханкуда» депутат  Алиярбек Абжалиев кыңыр иштеринен улам «алдламчылык» беренеси менен 9-апрелге чейин  камалды. Жапа чеккен адамдын айтуусунда аны 2 миллион долларга «сындырган». Коомчулук күтүп атат, күч органдары тарабынан аракеттер болобу же кайра койо берилеби деп. Бийлик коррупцияга каршы адилеттүү күрөш жүргүзсө, мурдагы бажычы, учурдагы депутат Алиярбек Абжалиев да кылтакка илинип, камалып кетеби, же «кусуп» кутулабы? А балким «жең ичинен» былыктарын бүтүрүп алабы?..