Жогорку Нарын ГЭСинин курулушу үчүн «Русгидро» 37 млн доллар берип, бул ГЭСтер курулбай, акча талашка айланган. Эми бул акчалар карызга айланды. Орусия Борбордук Азиядагы суу ресурстарына ээ болууну көздөгөн. Эгерде биздеги ГЭСтер Москванын колуна өтсө, Ташкен менен Нур -Султан колго түшүп калмак. Атамбаев президент, Жантөрө Сатыбалдиев өкмөт башчысы кезинде Орусия менен Кыргызстан Нарын ГЭСин куруу боюнча келишим түзгөн. Орусия Кыргызстан менен бул курулушту кураар алдында 50 пайызын бизге, 50 пайызын алар ала тургандай келишим түзүлгөн. Бул келишим бизге ылайыктуу болчу, бирок мунун артында шоу курулуп, биздин мамлекетке тиешелүү 50 пайыздын 25 пайызы Орусияга сатылып, алар 75 пайызына ээ болуп калган. Бул ГЭСтер толук пайданы 15 жылдан кийин берет деп болжолдонгон. Ага чейин кеткен чыгымдарды жабууга жумшалмак. Ал аткарылган эмес, келишим бузулган. Кыргызстандын энергетикалык көз карандысыздыгын камсыз кылууда жана электр кубаттуулугун арттыруудагы Жогорку Нарын ГЭСтер каскадынын курулушунун маанисин чоң болмок Атамбаев  пландаштырылган бардык жумуштарды өз мөөнөтүндө жана сапаттуу аткаруунун зарылдыгын белгилегени менен, бул долбоор ишке ашпай, Орусия берген 38- миллион долларды кимиси ичип жегени белгисиз биздин мамлекет төлөмөр болуп калган.