Бишкек шаардык кеңеши коомдук транспортко жол киренин баасын 2021-жылдын 1-ноябрынан көтөрүүгө макулдук берип, ага ылайык, маршруткадагы жол акы 15, автобус менен троллейбустардыкы 11 сомго жогорулаган. Эми 15 сомго көтөргүсү келишет. Жеке ишкерлер Өзбекстандан 210 автобус алып келишкен. Автобустар келгени менен жүргүнчүлөрдү тейлөө жакшырып деле кеткен жок. Бишкектин вице-мэри Максатбек Сазыкулов ЖКнын тиешелүү комитетинде сүйлөп жатып 11 сом автобустар үчүн актабайт экенин айтты. Ошол үчүн 100 автобус токтоп турат. Жол киренин баасын 15 сомго көтөрүш керек деген демилгени койду. 2021-жылы сентябрда 735 маршрутка болсо, бүгүн 1300-1500 маршрутка чыгып жатат. Автобустарга тарифти көтөрбөсөк болбойт деди мэрия. Буга каршы пикир айткан депутат Исхак Масалиев, маршруткалар келишимди аткарбаса сиздер чара көрүңүздөр. Алар келишим түзүп алышып, бааны көтөргүлө деп элди ташууга чыкпай жатканы туура эмес. Тариф бардыгы үчүн бирдей келишим аткарылбаса бузуш керек, деп бекем айтты.